Svona vinnum við

AP almannatengsl veita fyrirtækjum, stofnunum og félagasamtökum alhliða ráðgjöf á sviði almannatengsla. Fyrirtækið aðstoðar viðskiptavini sína við gerð áætlana um almannatengsl og vinnur að framkvæmd þeirra í samráði við þá með það markmið að ná mælanlegum árangri.

Í þessari ráðgjöf felst hugmyndafræði sem byggist á samhæfðum markaðssamskiptum og er framkvæmd með samskiptaáætlun. Almannatengsl snúast um samskipti og að hafa áhrif á og að miðla upplýsingum til ólíkra hlutaðeigandi aðila, t.d. starfsmanna, hluthafa, fjölmiðla, hins opinbera, hagsmunasamtaka og viðskiptavina. Við miðlun upplýsinga leggja AP almannatengsl áherslu á samhæfð markaðssamskipti, þ.e. samspil almannatengsla, auglýsinga og viðburða.

AP almannatengsl leggja áherslu á skipulögð vinnubrögð, skýra skiptingu ábyrgðar, raunhæfa kostnaðaráætlun og mælanlegan árangur við gerð samskiptaáætlana.

Nokkur lykilatriði um vinnubrögð AP almannatengsla:

• Metnaðarfullt og reynslumikið starfsfólk
• Náið samstarf við viðskiptavini
• Árangur mældur og borinn saman við skilgreind markmið
• Samhæfð markaðssamskipti
• Gagnsæ reikningagerð
• Tvíhliða samskipti
• Öflugir samstarfsaðilar