Sala sýningarsvæðis á Verk og vit 2008 gengur mjög vel og nú þegar er tæplega 75% sýningarsvæðisins seld þrátt fyrir að fimm mánuðir séu enn í sýninguna, sem fer fram 17.-20. apríl 2008 í Íþrótta- og sýningarhöllinni í Laugardal.

Um 50 fyrirtæki eru skráð til leiks og koma þau úr hinum ýmsu geirum atvinnulífsins og má þar nefna byggingarverktaka, steypustöðvar, byggingarvöruverslanir, verkfræðistofur, öryggisfyrirtæki, fjármálafyrirtæki, iðnskóla, olíufyrirtæki, plastframleiðendur o.fl.