Traust og trúverðugleiki verða meginefni morgunverðarfundar sem haldinn verður á vegum AP almannatengsla, Capacent Gallup og Viðskiptaráðs á Hilton Reykjavík Nordica fimmtudaginn 8. maí.

Kynntar verða niðurstöður alþjóðlegrar traustsrannsóknar almannatengslafyrirtækisins Edelman og sambærilegrar rannsóknar Capacent Gallup á Íslandi. Traustsrannsóknin var framkvæmd í fyrsta sinn á Íslandi síðastliðið vor og er þetta því í annað sinn sem traust og trúverðugleiki eru könnuð á Íslandi með aðferðum Edelman. Dagskrá morgunverðarfundarins verður nánar kynnt síðar.

Traustskönnunin, Edelman Trust Barometer, er framkvæmd árlega í fjölmörgum löndum og mælir viðhorf skilgreindra áhrifavalda til trausts og trúverðugleika fyrirtækja, stjórnvalda, félagasamtaka og fjölmiðla. Jafnframt eru traust og trúverðugleiki ákveðinna boðleiða mæld. Niðurstöðurnar eru jafnan kynntar á heimsviðskiptaráðstefnunni í Davos og hafa vakið mikla athygli helstu viðskiptafjölmiðla heims.