| AP almannatengsl lögðu sitt af mörkum til hvatningarátaksins Til fyrirmyndar með því að sjá um almannatengslahluta verkefnisins. Átakið er helgað Vigdísi Finnbogadóttur, fyrrum forseta, og íslensku þjóðinni. Landsmenn voru hvattir til að staldra við, huga að því sem vel er gert og skrifa þakkarbréf til fyrirmynda sinna, undir yfirskriftinni „Takk fyrir að vera til fyrirmyndar“. Bréfsefni hefur verið dreift inn á öll heimili landsins, auk þess sem nálgast má fleiri á pósthúsum og hjá N1 um allt land. |
